Skipulag grunnnáms
Fjallamennskunám FAS er 55 eininga sérhæft nám í fjallamennsku og leiðsögn sem hægt er að taka á tveimur til fjórum önnum. Náminu er ætlað að auka hæfni og þekkingu nemenda til að ferðast um fjalllendi og óbyggðir á Íslandi. 18 ára aldurstakmark er í námið en mikil áhersla er lögð á fjallaleiðsögn og fagmennsku.
Fjallamennskunám FAS er kennt í fjarnámi og verklegir áfangar kenndir jafnt og þétt yfir önnina í 4-7 daga í senn.
Réttindi
Námið veitir nemendur réttindi innan Félags íslenskra fjallaleiðsögumanna (AIMG). Nemendur ljúka AIMG jöklaleiðsögn 1. Einnig fara nemendur á námskeiðið fyrsta hjálp 1 frá Landsbjörg.
Kostnaður
Skráningargjald í fjallamennskunám FAS kostar 6000 kr. á önn. Auk þess greiða nemendur fyrir gistingu, ferðalög og persónulegan búnað ef nemendur eiga ekki þann búnað sem ætlast er til að þeir eigi.
Búnaður
Nemendur þurfa að eiga persónulegan búnað og lista yfir þann búnað er hægt að finna hér á síðunni undir "Búnaður". Skólinn útvegar tæknilegan búnað, svo sem tjöld, jökla- og klifurbúnað, fjallahjól, skíði og kayak svo eitthvað sé nefnt.
Gisting
Nemendum stendur til boða að bóka gistingu í gegnum skólann meðan á ferðum stendur og getur sá kostnaður verið breytilegur eftir fjölda nemenda hverju sinni. Mikið er gist í tjöld í ferðum og er kostnaður við það yfirleitt lítill eða enginn.
Fyrsta skrefið
Námið er hugsað sem fyrsta skref í átt að fjallamennsku og leiðsögn sem hægt er að byggja ofan á.
Nemendur öðlast mikla reynslu í ferðalögum í fjalllendi og á jöklum, þar sem að meirihluti verklegrar kennslu fer fram úti í náttúru Íslands.
Stúdentspróf
Hægt er að ljúka stúdentsprófi á kjörnámsbraut í FAS með fjallamennsku sem sérhæfingu. Einnig er hægt að ljúka framhaldskólaprófi með fjallamennsku sem sérhæfingu.
Mikilvæg atriði
Nemendur í grunnnámi skuldbinda sig til að taka alla áfanga sem eru í boði miðað við skipulag anna
Ef nemandi hættir í áfanga, verður hann sjálfkrafa skráður úr öðru námi
Ef nemandi hættir í námi eftir að hafa lokið áfanganum AIMJ2GR03,
þarf hann að greiða fullt verð samkvæmt verðskrá AIMG fyrir námskeiðið
Hætti nemandi í námi hefur hann ekki forgang í fjallamennskunám á næsta skólaári
