Fjallamennskunám FAS
Þín leið í átt að fjallaleiðsögn
Grunnnám við Fjallaskóla Íslands er 60 einingar. Hægt er að taka námið á tveimur eða fjórum önnum. Námið miðar að því að styrkja nemendur í öllum sviðum fjallamennsku og undirbýr nemendur fyrir jökla- og gönguleiðsögn.
Námsleiðin kallast leiðsögumaður með áherslu á jöklaleiðsögn. Nemendur sem ljúka náminu öðlast réttindi frá félagi fjallaleiðsögumanna á Íslandi (AIMG), þjálfun í fyrstu hjálp frá Landsbjörgu auk námskeiða í fjallamennsku, klifri, snjóflóðafræðum, vetrarferðamennsku, fjallaskíðamennsku, hájöklaferðamennsku og fleiru.
Námið samanstendur að mestu leyti af verklegum vettvangsáföngum en einnig bóklegu fjarnámi.
Kostnaður við námið er 350.000kr á önn eða 700.000kr árið, ef sótt er um hálft nám greiðast 200.000kr á önn. Nemendur greiða sjálfir fyrir ferðakostnað, gistingu og uppihald á meðan á námskeiðum stendur.
Framhaldsnám við Fjallaskóla Íslands er 60 einingar. Námið er kennt á tveimur önnum, grunnnám í fjallamennskunámi FAS er skilyrði fyrir þátttöku í framhaldsnáminu.
Námsleiðin kallast leiðsögumaður með áherslu á fjallgönguleiðsögn og er sérhæft nám í fjallamennsku. Í framhaldsnámi Fjallaskóla Íslands dýpka nemendur þekkingu sína frá grunnnáminu og taka krefjandi réttindanámskeið á við AIMG Fjallgönguleiðsögn 1 og vettvangshjálp í óbyggðum (Landsbjörg) en nemendum stendur einnig til boða að taka AIMG Jöklaleiðsögn 2 og landvarðaréttindi. Önnur námskeið eru: ísklifur, fjallaskíðamennska, snjóflóðafræði og leiðsögn, hájöklaferðamennska 2, leiðangur á Vatnajökli, framhaldsnámskeið í klettaklifri og skiptinám erlendis.
Námið samanstendur að mestu leyti af verklegum vettvangsáföngum en einnig bóklegu fjarnámi.
Kostnaður við námið er 350.000kr á önn eða 700.000kr árið, ef sótt er um hálft nám greiðast 200.000kr á önn. Nemendur greiða sjálfir fyrir ferðakostnað, gistingu og uppihald á meðan á námskeiðum stendur.