Leiðsögumaður með áherslu á jöklaleiðsögn
Fyrsta árið við Fjallaskóla Íslands er 60 einingar og leggur áherslu á jöklaleiðsögn. Námið miðar að því að styrkja nemendur á öllum sviðum fjallamennsku og undirbýr nemendur fyrir jökla- og gönguleiðsögn. Nemendur sem ljúka náminu öðlast réttindi frá félagi fjallaleiðsögumanna á Íslandi (AIMG), þjálfun í fyrstu hjálp frá Landsbjörgu auk námskeiða í fjallamennsku, klifri, snjóflóðafræðum, vetrarferðamennsku, fjallaskíðamennsku, hájöklaferðamennsku og fleiru.
Námið samanstendur að mestu leyti af verklegum vettvangsáföngum, sem eru 4-7 dagar í senn, en einnig bóklegu fjarnámi. Hægt er að taka námið á tveimur eða fjörum önnum.
Sjá dagatal náms í jöklaleiðsögn.
Umsækjandi skal hafa lokið stúdentsprófi, sveinsprófi eða öðru sambærilegu námi. Próf frá frumgreinadeildum háskóla teljast sambærileg stúdentsprófi. Umsækjendur sem hafa náð 18 ára aldri og eru án formlegrar menntunar en hafa starfað í ferðaþjónustu við fjallamennsku geta óskað eftir undanþágu frá inntökuskilyrðum.
Kostnaður við námið er 350.000 kr. á önn eða 700.000 kr. fyrir árið. Ef sótt er um hálft nám greiðast 200.000 kr. fyrir hverja önn. Námið er lánshæft. Nemendur greiða sjálfir fyrir ferðakostnað, gistingu og uppihald á meðan á námskeiðum stendur.
Námið er hugsað sem fyrsta skref í átt að fjallamennsku og leiðsögn sem hægt er að byggja ofan á.
Nemendur öðlast mikla reynslu í ferðalögum í fjalllendi og á jöklum.
Námið veitir nemendur réttindi innan Félags íslenskra fjallaleiðsögumanna (AIMG). Nemendur ljúka AIMG jöklaleiðsögn 1.
Nemendur þurfa að eiga persónulegan búnað og lista yfir þann búnað er hægt að finna hér á síðunni undir „Búnaður“. Skólinn útvegar tæknilegan búnað, svo sem tjöld, jökla- og klifurbúnað. Nemendur er þó hvattir til að kaupa persónulegan sérhæfðan búnað meðan á námi stendur.
Í flestum vettvangsferðum skólans er lagt upp með það að nemendur gisti í tjöldum. Innifalið í skólagjöldunum er aðgangur að tjöldum sem notast er við í sumum ferðum.
Í einstaka tilfellum munum við biðja nemendur að bóka gistingu inni, í sameiginlegum skálum eða t.d. hosteli eða slíkt og þá greiða nemendur fyrir það sjálfir.
Skólagjöld eru 700.000 kr fyrir árið eða 350.000 kr á önn. Nemendur í hálfu námi greiða 200.000 kr á önn
Ef gist er í gistirými standa nemendur sjálfir undir þeim kostnaði sem og öllum kostnaði við akstur og fæði meðan á vettvangsferðum stendur.
Nemendur þurfa einnig að eiga persónulegan búnað og ef nemendur eiga ekki þann búnað sem ætlast er til að þeir eigi getur verið auka kostnaður fyrir nemendur að koma sér upp búnaði, sjá meira um það undir búnaður hér á síðunni.
