Landvarðanámskeið
23.-27. apríl 2026 // Skaftafelli og Jökulsárlóni
170.000 kr.
Langar þig að vinna við náttúruvernd í íslenskri náttúru?
Umsóknarfrestur til 13. janúar!
Fjallaskólinn kennir námskeið í landvörslu á vorönn 2026 og hljóta þau sem standast námskeiðið landvarðaréttindi frá Náttúruverndarstofnun. Námskeiðið fer fram í Öræfum, umhverfis Skaftafell og Jökulsárlón.
Námskeiðið miðar að því að undirbúa þátttakendur undir fjölbreytt störf landvarða en landvarðanámskeið Fjallaskólans byggir á námskrá Náttúruverndarstofnunnar um landvarðanám. Námið spannar 110 kennslustundir og er blanda af fjarnámi og staðnámi.
Viðfangsefni námskeiðsins eru meðal annars:
- Náttúrutúlkun og fræðsla
- Stjórnsýsla í náttúruvernd
- Loftslags- og jöklabreytingar
- Samskiptafærni
- Öryggismál í landvörslu
- Verkleg vinnubrögð landvarða
Námskeiðið er kennt á íslensku en öll sem geta stundað nám á íslensku eru hvött til að sækja um. Nemendum er frjálst að skila heimaverkefnum á íslensku eða ensku og ekki er gerð krafa um að nemendur geti tjáð sig á íslensku.
Íris Ragnarsdóttir Pedersen er umsjónarkennari námskeiðsins en fjöldi sérfræðinga í náttúruvernd og landverðir koma að bæði verklegri og bóklegri kennslu á námskeiðinu.
ATH. bóklegi hluti námskeiðsins hefst 26. janúar á netinu og verklegi hlutinn hefst 23. apríl í Öræfum/Skaftafelli.
Námskeiðið kostar 170.000 kr.
Námskeiðið skiptist í bóklegan og verklegan hluta ásamt ýmiskonar verkefnum.
Bóklegi hluti námsins fer fram í fjarnámi í formi fyrirlestra og erinda frá sérfræðingum á ýmsum sviðum sem snerta náttúruvernd og landvörslu.
- Bóklega námið verður haldið í rauntíma í netheimum en fyrirlestrar verða einnig teknir upp fyrir þau sem ekki komast í rauntíma. Flestir bóklegir tímar verða á mánudögum og þriðjudögum milli kl 16 og 18.
- Nemendur vinna heimaverkefni sem styðja við fyrirlestrana og miðast við að vera gott stuðningsefni í komandi starfi sem landverðir.
Verklegi hluti námsins fer fram í staðnámi dagana 23-27. apríl í Skaftafelli og á Jökulsárlóni. Skyldumæting er alla daga í verklega lotu námsins. Nemendur sjá sér sjálfir fyrir fæði og húsnæði meðan staðlotu stendur.
Skilyrði fyrir inngöngu á námskeiðið:
- 18 ára aldur
- Gilt skyndihjálparnámskeið
- Hæfni til að stunda nám á íslensku
Skráning
Vinsamlegast fyllið inn alla reiti svo skráningin teljist gild. Athugið að frekari upplýsingar um námskeiðið berast í tölvupósti þegar nær dregur.